"Mirando ao Miño"

O trazado transcorre por parte do antigo Camiño Real, tamén chamado “Vereda Pública” (antiga vía principal de comunicación entre os Reinos de Castela e Galicia).

Ao longo do sendeiro o camiñante vaise atopar coa natureza en todo o seu esplendor, variedade e cor: murmurio das augas do regato de Paizás, e das trece fontes ubicadas ao longo do camiño; as tranquilas e cristalinas augas do Río Miño; a ampla variedade de especies arbóreas...

No transcurso do sendeiro tamén nos atopamos con importantes restos histórico-artísticos como a Capela de San Xosé e a Igrexa de Filgueira (que data do século XVIII), cruceiros, petos de ánimas, canastros, muíños e pontes.

É produto local de obrigada referencia o queixo tetilla de Filgueira.  

Este roteiro foi creado pola asociación veciñal.
 

Localización:

Documentos:

• INFORMACION SENDEIRO
• MAPA RUTA