O concello de Crecente abre o programa Ler conta Moito, co espectáculo "O que levamos nas maletas" de Magín Blanco.
Trátase dun Programa de dinamización da lectura que ofrece ás bibliotecas públicas da Rede, na que está incluída a Biblioteca Municipal de Crecente, actividades coas que achegar á cidadanía á lectura e a información de xeito lúdico, financiado con caro a unha subvención da Xunta de Galicia
O Concello propón dúas actividades que se suman á xa celebrada o día 20 de setembro, os xoves 14 e 28 de outubro ás 12h.
O xoves día 14 de outubro a Biblioteca acollerá "Maxia de aquí e de acolá" dirixido a nenos e nenas a partir de 4 anos. O espectáculo é unha mistura entre maxia, comedia e improvisación, onde a participación do público está presente en todo momento.Unha escenificación versátil e áxil que tranmite habilidade e enxeño usando elementos cotiáns e tradicionais, elementos que poden emerxer da nada, esvarecerse, levitar ou trocar de apariencia.
O xoves, día 28 de outubro, ás 12h, "A verdadeira historia de Hamelín" clown, malabares e moito humor, son as chaves de esta adaptación circense de "O frautista de Hamelín"
